Хүний эрхэд суурилсан хандлага (ХЭСХ) бол хүний хөгжлийн үйл явц дахь хэм хэмжээ нь олон улсын хүний эрхийн стандартад суурилсан, үйл ажиллагаа нь хүний эрхийг хүндэтгэх, хамгаалах, хангахад чиглэсэн байх үзэл баримтлалын хүрээ юм. ХЭСХ-ийн зорилго нь иргэдийг хүчирхэгжүүлэх, тэдний амьдрах хэв маяг, амьдралын чанарт нөлөөлөх аливаа шийдвэр гаргах үйл явцад утга учиртай, нээлттэйгээр оролцох бололцоог нээж өгөхөд оршино. Түүнчлэн энэ нь Үүрэг-хүлээгчид Эрх-эдлэгчдийн өмнө хүлээсэн, олон улсын болон үндэсний түвшинд даган мөрдөх үүргээ илүү сайн биелүүлэхэд нь хяналт тавих үйл явц юм.

Монгол Улсын Хүний эрхийн Үндэсний Комисс (ХЭҮК) нь бичил уурхайтай холбоотойгоор хүний эрхийн үзэл баримтлалыг төрийн байгуулагуудын бодлого, төлөвлөлт, үйл ажиллагаанд тусгах чиглэлээр 2012 оноос хойш ажиллаж байна. ХЭСХ-ыг хэрэгжүүлснээр бичил уурхай эрхлэгчдийн эрхийг хүндэтгэх, хамгаалах, хангах чадавх нэмэгдэх, нөгөө талаас бичил уурхайчид эрхээ шаардах, нийгмийн болон байгаль орчны хариуцлагатай бичил уурхай эрхэлдэг болох зэргээр монголын бичил уурхайн бүхий л хүрээнд энэхүү чиг хандлага шингэсэн байх явдал юм.