Бичил уурхай нь ядуурлын улмаас бий болсон, хөдөө орон нутагт алт, жонш, нүүрс болон бусад ашигт малтмал олборлож амин зуулгаа залгуулах болсонтой холбоотойгоор үүссэн. Хэдий тийм ч бичил уурхайн салбарт тэгш бус байдал, нийгмийн гадуурхал, хүний эрхийн зөрчлүүд зэрэг цөөнгүй бэрхшээл тулгарч байна. Бичил уурхай нь улс орны эдийн засгийн шилжилтийн үе, дараалсан байгалийн гамшиг, хүн амыг нэлэнхүйд нь хамарсан ажилгүйдлийн үр дагавар болж 10 гаруй жилийн өмнөөс бий болсон юм. ШХА-ийн Тогтвортой бичил уурхай төслийг Уул уурхай, хүнд үйлдвэрийн яам, Швейцарын хөгжлийн агентлаг хамтран 2005 оноос хойш хэрэгжүүлж байгаа билээ. Өнгөрсөн 13 жилийн хугацаанд төслийн гурван үе шат хэрэгжиж дууссан бөгөөд 2015 оны 1-р сараас төслийн 4-р үе шат эхэлсэн бөгөөд 2019 оны 12-р сард хэрэгжиж дуусна. Бичил уурхайн мэдлэгийн төв нь ТБУТ-ийн гол ололт, амжилтууд болон гол үр дүнгүүдийг нэгтгэж бичил уурхайн сайн туршлага, сургамжуудыг та бүхэнтэй хуваалцаж байна.