Монгол Улсад бичил уурхайгаар олборлосон алтны борлуулалтын сүлжээ нь алт ялгахаас эхлээд Монголбанкинд тушаах хүртлээ одоогоор албан бус байгаа юм. 2017 онд хувиараа алт борлуулагчид, бичил уурхайчдын Монголбанкинд нийлүүлсэн алтны хэмжээ 20.01 тоннд  хүрсэн байна. Монгол Улсад алтны албан ёсны нийлүүлэлтийн сүлжээ байгаа хэдий ч албан бус алтны наймаа байсаар л байна. Үүнд хэд хэдэн шалтгаан бий. Тухайлбал, алт худалдан авах албан ёсны тогтолцоо орон нутагт байдаггүй, хөдөө орон нутгаас алтны албан ёсны нийлүүлэлтийн сүлжээгээр дамжуулан алт худалдаалахад алслагдмал байдаг. Түүнчлэн алтны худалдаачид, бичил уурхайчид алт борлуулах албан ёсны тогтолцооны талаар сайн мэдэхгүй байгаагаас албан бус зах зээлд алт борлуулсаар байна. ШХА-ийн Тогтвортой бичил уурхай төсөл хэрэгжүүлэх явцад хариуцлагатай бичил уурхайд шударга олборлолтын системийн Эко Алтны (Fairmined Eco Gold) шаардлагыг хангаж стандартын гэрчилгээ авсан нь Азидаа анхдагч нь болсон байна. Монгол Улс анх удаагаа Баянхонгор аймгийн Баян-Овоо сумын “XAMODX” бичил уурхайн ТББ-аас шударгаар олборлосон алтыг экспортлож эхэлсэн юм.