Уул уурхай, хүнд үйлдвэрийн яам, ШХА-ийн Тогтвортой бичил уурхай төсөлтэй хамтран "Бичил уурхайн мэдлэгийн төвийг танилцуулах, цахим  платформыг хэрэглэх заавар" сэдэвт уулзалтыг  Говь-Алтай аймагт  2018.06.13 өдөр амжилттай зохион байгууллаа. Тус уулзалтанд аймгийн Засаг даргын тамгын газар, Мэргэжлийн хяналтын газар, Байгаль орчин, аялал жуулчлалын газар, Газрын харилцаа, барилга хот байгуулалтын газар, Хүйсийн говь-Цэцэг нуурын сав газрын захиргааны холбогдох мэргэжилтнүүд болоод бичил уурхайн зохион байгуулалтад орсон Алтай бичил уурхайчдын эв нэгдлийн холбоо, Эрхэм зорилго ТББ, Түмэн Алтай буян ТББ-ын тэргүүн хамрагдлаа. Сургалтаар бичил уурхайн цахим платформыг ашиглан бичил уурхайчид болон бичил уурхайн салбарын үйл ажиллагаанд оролцож буй төрийн болон төрийн бус байгууллагад мэдээ мэдээлэл түгээх талаар зааж сургасан.